ჯო ენის სამედიცინო ცენტრი
Slide 3

მიმდინარეობს საიტის რეკონსტრუქცია 

Slide 3

მიმდინარეობს საიტის რეკონსტრუქცია

Slide 3

მიმდინარეობს საიტის რეკონსტრუქცია

ფილტვის სეკვესტრაციის ქირურგიული მკურნალობა

ჯო ენის სამედიცინო ცენტრში (05.07.2017) ოთხი თვის ლაზარე ცხოვრებაძეს წარმატებულად ჩაუტარდა იშვიათი დაავადების, ფილტვის სეკვესტრაციის ქირურგიული მკურნალობა.

ეს არის თანდაყოლილი დაავადება, რომლის სიხშირე შეადგენს თანდაყოლილი მანკების (ახალშობილთა 1-1,5%) დაახლოებით 6%-ს. კლინიკური გამოვლინება ამ პათოლოგიის დროს მრავალფეროვანია და ძირითადათ მოიცავს ქვედა სასუნთქ სისტემას: ხშირი პნევმონია (ფილტვის ანთება) ერთი და იგივე უბნის დაზიანებით, ხშირი ბრონქიტი. მუდმივად, ნახველის მოჭარბებული რაოდენობა, იშვიათად სისხლდენა ფილტვიდან მოზრდილ ასაკში. მკურნალობა ოპერაციულია, გულისხმობს პათოლოგიური სისხლძარღვის გადაკვეთასა და ფილტვის დაზიანებული უბნის მოკვეთას.

ნატო გოგიტაშვილი (პაციენტის დედა)

– 2017 წლის 18 მაისს ჩვენ მოვხვდით  ქუთაისის რაიონულ საავადმყოფოში დიაგნოზით დაუზუსტებელი ბრონქიტი, ბრონქოსპაზმი და სუნთქვის მწვავე უკმარისობა. ბავშვს უტარდებოდა სტაციონარული მკურნალობა. ექოკარდიოსკოპიული კვლევის დროს ლაზარეს აღმოაჩნდა ღია, ოვალური ხვრელი. ჩვენ მოგვცეს რეკომენდაცია, მოგვემართა ჯო ენის სამედიცინო ცენტრისთვის, რაც დაუყოვნებლივ შევასრულეთ.

ეკა კაპანაძე (ჯო ენის სამედიცინო ცენტრის ექიმი-კარდიოლოგი)

- პაციენტის ამბულატორიული კვლევის შედეგად ნანახი იქნა ღია ოვალური ხვრელი და მარცხენა წილების დილატაცია, მიტრალური სარქვლის ნაკლოვანება, თუმცა, გულის თანდაყოლილი მანკი, რომელიც იწვევს ზემოთ აღნიშნულ მეორად ცვლილებებს არ აღმოაჩნდა. კლინიკურ -ინსტრუმენტული კვლევის საფუძველზე (კლინიკურად გამოხატული ტაქიპნოე მოსვენებულ მდგომარეობაში, ცუდი სუნთქვის მექანიკა - რეტრაქციებით და ნესტოების ბერვით) და ექოკარდიოსკოპიულად (მარცხენა წილების დილატაცია, მიტრალური სარქვლების ნაკლოვანება, ვიზუალიზირდებოდა დიდი ზომის არტერიული სისხლძარღვი, რომელიც გამოდიოდა გულმკერდის აორტის ქვედა მესამედიდან)  მიტანილი იქნა ეჭვი ფილტვის სეკვესტრაციის არსებობაზე.  22/05/2017 პაციენტი გაიგზავნა გულმკერდის კტ ანგიოგრაფიაზე, სადაც დადასტურდა დიაგნოზი.

ივანე წულეისკირი (ჯო ენის სამედიცინო ცენტრის თორაკალური სამსახურის უფროსი)

 - ფილტვის სეკვესტრაციის ანატომიური სუბსტრატი მდგომარეობს შემდგომში: ნორმაში სისხლი ფილტვებში მიეწოდება ფილტვის არტერიის მეშვეობით. ფილტვებში ხდება ამ ვენური სისხლის გამდიდრება ჟანგბადით და ფილტვის ვენების მეშვეობით მარცხენა წინაგულისა და პარკუჭის გავლით აორტაში გადასროლა, საიდანაც ჟანგბადით მდიდარი სისხლი ნაწილდება მთელს ორგანიზმში.

კომპიუტერული ტომოგრაფია: აორტიდან გამოსული სისხლძარღვი შედის ფილტვის ქვედა წილში.

იგივე პაციენტი - ინტრაოპერაციული ფოტო.

სეკვესტრაციის დროს,  ეს ნორმალური წრე ირღვევა. მუცლად ყოფნის პერიოდში ყალიბდება სისხლძარღვი, რომელიც ხშირ შემთხვევაში გამოდის დაღმავალი აორტიდან და შედის /შემთხვევათა 98%/ მარცხენა ფილტვის ქვედა წილში და უერთდება არსებულ ფილტვის არტერიის სისტემას. ვინაიდან, ფილტვის  არტერიაში სისხლის წნევა ნორმაში დაახლოებით 4-ჯერ ნაკლებია ვიდრე აორტაში, იწყება ფილტვის არსებული წილის სისხლით გადატვირთვა, რის გამოც ირღვევა ფილტვების ნორმალური ფუნქციონირება. ამასთან ჭარბი სისხლი ფილტვის გავლის შემდეგ ხვდება გულში, რაც იწვევს მისი კამერების (მარცხენა წინაგული, მარჯვენა პარკუჭი) გადატვირთვას და შედეგად  ნორმალური ფუნქციონირების დარღვევას.

 -        ეს არის ძალიანიშვიათი დაავადება, ჩემს სამედიცინო პრაქტიკაში იყო მესამე შემთხვევა, რომელიც, როგორც წესი,  დიაგნოსტირდება ცხოვრების მოგვიანებით სტადიაში მკვეთრად გამოხატული გართულებების გამო. მოცემულ შემთხვევაში დიაგნოსტირება დროულად მოხდა  და  შესაბამისად, ქირურგიულმა მკურნალობამ ჩაიარა ყოველგვარი გართულებების გარეშე.   ამჟამად პაციენტი იმყოფება სახლში ამბულატორიული მეთვალყურეობის ქვეშ.

17 Aug, 2017
ჯოენის სიახლეები

ჯო ენის სამედიცინო ცენტრის გულმკერდის ქირურგიის სამსახურში დაინერგა მეწაღისებური (ჩაზნექილი)გულმკერდის ქირურგიული მკურნალობის ახალი, არატრავმული, თორაკოსკოპიული მეთოდი. ეგრედ წოდებული ნუსს-ის ოპერაცია, რომელიც გულისხმობს მცირე - 2,5-3 სმ. განაკვეთებით, ვიდეოკონტროლის ქვეშ, მკერდის ძვლის აწევას ინდივიდუალურად, თითოეული პაციენტისთვის ოპერაციის დროს დამზადებული მეტალის ღეროს (იმპლანტის) მეშვეობით(სურათზე მარცხნივ ოპერაციამდე, მარჯვნივ       ოპერაციის შემდეგ).

მეწაღისებური გულმკერდი თანდაყოლილი მანკია, რომლის დროსაც არასწორედ ვითარდება ნეკნების ხრტილოვანი ნაწილები და მკერდის ძვალი, რის შედეგადაც ვითარდება დეფორმაცია - მკერდის ძვალი იზნიქება ხერხემლისკენ და გარდა კოსმეტიკური არასრულფასოვნებისა, ახდენს ზეწოლას მის ქვეშ მდებარე გულზე, შუასაყარსა და ფილტვებზე, რის გამოც მნიშვნელოვნად ფერხდება ამ ორგანოების სწორი განვითარება.

 

ოპერაციას გააჩნია მკვეთრად ჩამოყალიბებული ჩვენება. იგი ტარდება ბავშვებში 4-დან 18 წლამდე ასაკში (იდეალურია 4-13 წლის შუალედი).

დაწვრილებითი ინფორმაციის მისაღებად შეგიძლიათ დაგვიკავშირდეთ შემდეგ ნომერზე - 222 22 11 და ჩაეწეროთ კონსულტაციაზე. კონსულტაცია უფასოა.

 

ჯო ენის სამედიცინო ცენტრის გულმკერდის ქირურგიის სასახურს

 ხელმძღვანელობს ბ-ნი ივანე წულეისკირი.

29 Oct, 2012